磁浮滑板盛惠七万八下年10月到货

明年係《回到未来》电影面世三十周年，唔少相关嘅纪念产品都已经公布定下年推出，唔知以下介绍呢样产品算唔算其中一款呢？当年喺《回到未来II》出现过嘅Hoverboard浮空滑板，唔少人曾经期待不久将来能够玩得到，直至现在似乎终于真正实现。

Hendo Hoverboard开始预购，售价不菲，盛惠1万美元（HK$77,573）。呢块浮空滑板可以承载最多500磅重量，Hendo Hoverboard背后所使用技术来自Arx Pax，呢间公司绝对货真价实，手上拥有大量相关专利。据讲其运作原理类似于磁浮列车，足以令滑板升起至离地面高1吋高，但目前只能够喺特定金属表面上滑行。现时Hendo Hoverboard喺KickStarter上集资US$250,000（HK$1,939,337），目标经已顺利达成，但10名预购限额都俾人抢哂，唯有畀US$100（HK$776）去硅谷总部试玩5分钟啦。